إيش قصة المنتديات هذي اليومين؟
معقولة ماعاد في أخبار في الدنيا هذي و لاشيء ينكتب إلا عن العاب الفيديو؟
موجة غريبة أتجه لها معضم الشباب و اللي هي أقسام العاب الفيديو اللي صارت مكتسحة جميع المنتديات.
أنا نفسي أعرف ايش الفائدة المرجوة من كتابة أو قرائة خبر عن لعبة؟
يعني اللي يكتب خبر عن بدأ العمل في اللعبة الفلانية أو تم إصدار اللعبة الفلانية في الأسواق, هدول اللي بيكتبوا بيدخل جيبوهم شي؟
إذا بيكسبوا من ورى كتابتهم أنا أول واحد راح أكتب في المنتديات عن أخبار الألعاب و بكتب عن أبو اللي صمم الألعاب!
لاكن مافي أحد مستفيد شي, بالعكس مسوين حملة دعائية للأجهزة بألعابها ببلاش.
ماني معترض على أن يكون الواحد يملك جهاز العاب, أتوقع معضم فئة الشباب في الخليج عندها جهاز واحد على الأقل, و أنا أولكم مافي جهاز من أيام التسعينات إلى اليوم إلا أقتنيته.
بس اللي ما دخل مخي ليش صارت مواضيع العاب الفيديو تملئ صفحات المنتديات؟
قبل شوي كنت في منتدى برامج و دخلت على رابط مواضيع المنتدى الجديدة و ذهلت بكمّ مواضيع الألعاب المكتوبة مؤخراَ !
قبل كم سنة كنا نشوف المنتديات تغص بمواضيع ترفيهية و كلنا نعرفها مثل عد للخمسة و ارمي بيض في وجه اللي بعدك أو لعبة X-O
وقتها كنت أتمنى تختفي هذي النوعية من المواضيع.
بس الآن مع كثرة مواضيع العاب الفيديو حسيت أني ظلمت قسم الألعاب الترفيهية!
فعذراً.
